Krabbameinsfélag höfuðborgarsvæðisins í samstarfi við Samhæfingarstöð krabbameinsskimana, Ungar athafnakonur, Kraft og Lífskraft stendur fyrir nýrri vitundarvakningarherferð í janúar 2026 um legháls-skimanir undir slagorðinu „Leghálsskimanir – lítið mál!.“ Janúar er alþjóðlegur vitundarvakningarmánuður gegn leghálskrabbameini.

Markmiðið með vitundarvakningunni er að efla þekkingu, auka þátttöku og styrkja forvarnir gegn leghálskrabbameini á landsvísu.

Enn greinast um 17-20 konur með leghálskrabbamein á ári og 3-5 látast. Með samstilltu átaki má fækka þessum tilfellum.